Ingi Samuelsen
Minst 15 fólk hava latið lív, eftir at bátur teirra sakk út fyri griksku oynni Lesbos tíðliga í morgun. Hetta upplýsir grikska sjóverjan, sambært Reuters.
Vanlukkan er onnur vanlukkan við flóttafólkum innan fyri eitt samdøgur. Hin vanlukkan var við oynna Kythia.
Umleið 40 fólk vóru umborð á bátinum, sum sakk. 15 lík eru funnin og fimm fólk eru funnin á lívi, upplýsir sjóverjan. Sostatt eru 20 fólk, sum ikki eru funnin.
Báturin sakk eystan fyri oynna Lesbos, ið liggur nærhendis turiksku strondina. Eitt far hjá griksju sjóverjuni og ein tyrla fóru í skundi til økið. Men nógvur vindur gjørdi bjargingararbeiðið trupult.
Á Lesbos verður nú leitað eftir fólki, sum kanska hava bjargað sær til lands. Tað var í hesum leitingararbeiði, at komið varð fram á tvey lík, ið vórðu funnin á oydjum strandaøki.
Hin vanlukkan hendið 100 kilometrar haðani, á oynni Kythira. Her sakk ein bátur mikukvøldið eftir at hann rendi á land í illveðri. Um 100 fólk vóru umborð.
Her hava bjargingarfólk leitað bæði á sjógvi og á landi, og higartil eru 80 fólk funnin, skrivar AFP.
Vinarliga broyt tínar kennifíla - og privatlívsstillingar fyri at síggja hetta innihald