Innanlands

Tvær fráboðanir um herverk í gjár

Ein bilur varð útsettur fyri herverk um vikuskiftið, og tvey vindeygu vórðu brotin á Skúlaheiminum í Marknagili í gjár

Savnsmynd (Jens Kr. Vang)

Savnsmynd (Jens Kr. Vang)

2019-11-13 09:30 Author image
Alda Nielsdóttir

Í gjár fekk løgreglan tvær fráboðanir um herverk – báðar úr Havn.

Tað var beint eftir klokkan níggju í gjármorgun, at boðað var frá herverki á Skúlaheiminum í Marknagili. Talan var um onkran, sum hevði skotið við luftbyrsu og brotið tvey vindeygu.

Í gjár kom eisini fráboðan um ein bil, sum hevði verið útsettur fyri herverki, tá hann stóð í miðbýnum í Havn. Onkur hevði m.a. tikið vindeygaviskaran av bilinum.

Herverkið varð framt sunnudagin, men tað var fyrst meldað í gjár, sigur vaktleiðarin á politistøðini.

placeholder
placeholder