Tvær fráboðanir um herverk í gjár

Sunnudagin fekk løgreglan tvær fráboðanir um herverk – báðar úr Havn.

Um morgunin varð boðað frá, at onkur hevði skøvað ein bil í miðbýnum. Seinni varð eisini boðað frá, at onkur hevði framt herverk á eina gravimaskinu. Talan var um nakrar rútar, sum vóru knústir.

Annars hevur dagurin í gjár verið rættiliga friðarligur, sigur vakthavandi á politistøðini í Havn.

Men seinnapartin í gjár var løgreglan úti og kannaði ferðsluna við Gøtugjógv, og tá vórðu sjey bilførarar eisini tiknir fyri at tosa í handhildnari telefon. Tað fáa teir allir eina bót fyri.