Tvær fráboðanir um stuldur í gjár

Í gjár fekk løgreglan tvær fráboðanir um stuldur.

Fráboðanirnar komu úr tveimum handlum í høvuðsstaðnum, og var talan um ung fólk, sum høvdu tikið nøkur klæðir, sigur vaktleiðarin á løgreglustøðini í Havn.

Tann eini persónurin varð steðgaður tætt við handilin, og í hinum førinum hava tey eisini mynd av persóninum, verður upplýst.