Tveir bilar stolnir í Havn í gjár

Tveir bilar vórðu stolnir í Havn í gjár. Tann fyrri varð stolin uttan fyri abulatoriið á Landssjúkrahúsinum í Havn onkuntíð millum klokkan 13.45 og 14.15.

Hesin bilurin varð funnin nakað seinni á Óðinshædd uttan fyri Posta-bygningin.

Men haðani er ein annar bilur stolin, sum ikki er funnin enn.

Løgreglan eftirlysir tí ein bronsulittan Nissan Qashqai frá 2017 við nummarplátunum TS327.

Bilurin er serligur, tí liturin er ikki vanligur, upplýsir vaktleiðarin á løgregluni.

Bilurin er stolin onkuntíð millum klokkan 13.45 og 17 í gjár.