Samanstoytur í Sandslíð

Beint fyri klokkan átta í morgun fekk løgreglan fráboðan um, at tveir bilar vóru stoyttir saman í Sandslíð, sunnanfyri Sand.

Tilsamans vóru trý fólk í óhappinum.

Sum skilst av løgreglustøðini, so er ikki talan um álvarsligan fólkaskaða, men fólkini eru send til læknan í oynni til nærri kanningar. Stoyturin var harður og stoytkoddin varð brostin upp.

Bilarnir stóðu mitt á vegnum, og hetta tarnaði ferðsluni eina løtu, men klokkan hálvgun níggju var vegurin opin aftur, verður upplýst av løgreglustøðini.