Tveir føroyingar umborð á skipunum hjá OM

Í løtuni eru tveir føroyingar umborð á skipunum hjá OM felagsskapinum, ein á Logos Hope og ein á Doulos Hope.

Fyrst í januar fór Elsa í Skorini úr Leirvík umborð á Logos Hope. Hon tók longu leiðina yvir til Port of Spain í Trinidad og Tobago, har Logos Hope liggur í løtuni. Elsa skal vera umborð í tríggjar mánaðir.

Hon byrjaði túrin í Port of Spain í Trinidad og Tobago. Næstu mánaðirnar fer hon at vitja Vieux Fort í Santa Lucia, St. George í Grenada, Oranjenstad í Aruba og at enda Willemstad í Curacao, skrivar om.fo.

(Mynd: Om.fo)

Og mitt í januar fór Ragnar Mouritsen úr Hoyvík til Kaohsiung í Taiwan, har Doulos Hope bíðaði. Stórur tørvur er á skipsførarum og maskinmonnum til skipini, so Ragnar varð spurdur um hann kundi avloysa í tríggjar vikur umborð. Hann hevur so ført skipið úr Kaohsiung upp til Hua Lian Shi og verður umborð nakrar dagar afturat, áðrenn hann skal møta aftur til arbeiðis.