Tveir nýggir tilburðir í gjár

Í løtuni eru 12 persónar staðfestir smittaðir við koronu í Føroyum, vísa nýggjastu tølini hjá landslæknanum. Tveir tilburðir vórðu nevniliga staðfestir í gjár.

Báðir tilburðir eru partur av kendari smittuketu.

Støðan er sostatt tann, at 768 persónar hava fingið staðfest smittuna í Føroyum, og at 755 persónar eru staðfestir frískir aftur. Ein persónur er deyður við koronu í Føroyum.

Í gjár varð boðað frá, at 32 persónar hava fingið staðfest koronusmittuna umborð á russiska trolaranum AK-0749 Karelia, sum í løtuni liggur við bryggju í Runavík, men teir telja ikki við í Føroysku tølunum. Ein teirra varð innlagdur á Landssjúkrahúsið.

706 kanningar vórðu gjørdar seinasta samdøgrið, og allar eru liðugt greinaðar. Tilsamans eru nú 298.641 kanningar gjørdar í Føroyum.