Tveir smittutilburðir í gjár

Tveir nýggir smittutilburðir vórðu staðfestur í gjár, vísa tølini hjá myndugleikunum.

Tann eini persónurin er partur av kendari smittuketu. Í løtuni ber ikki til at staðfesta, hvussu hin persónurin er blivin smittaður.  

726 kanningar vórðu gjørdar seinasta samdøgrið, og allar kanningarnar eru liðugt greinaðar.

Í løtuni eru fýra persónar smittaðir. 25 persónar eru í sóttarhaldi.