Tveir útlendskir ferðaleiðarar tiknir um vikuskiftið

Løgreglan hevur um vikuskiftið tikið tveir útlendskar ferðaleiðarar, sum hava arbeitt uttan arbeiðsloyvi í Føroyum.

Í eina førinum er málið avgreitt við bót og útvísing, og tann ferðaleiðarin er longu farin av landinum. Seinna málið bíðar eftir avgerð frá útlendingastýrinum í Danmark.

Ferðaleiðarin sum enn er í Føroyum situr ikki í varðhaldi, meðan bíðað verður eftir avgerðini.

Í báðum førum koma ferðaleiðarar úr londum uttanfyri Evropa.