Tvey ferðsluóhapp í gjár

Í gjár varð boðað frá tveimum ferðsluóhappum.

Eitt lítið ferðsluóhapp var á Kaldbaksvegnum, har ein bilur mátti bremsa fyri einum seyði, sum rann tvørturum vegin. Bilurin, sum koyrdi aftanfyri bar við afturpartin á honum.

Vaktleiðarin á løgreglustøðini í Havn upplýsir, at skaðin var lítil.

Eisini var eitt ferðsluóhapp við Hellurnar, har ein bilur fór útav vegnum.

Bilurin fekk skaða, men eingin fólkaskaði var, upplýsir vaktleiðarin.