Tvey gull og eitt silvur til Gøtu kirkju ungdómskór

Gøtu kirkju ungdómskór hevur fingið tvey gullheiðursmerki og eitt silvurheiðursmerki á Johannes Brahms festivalinum í Týsklandi.

Tað skrivar Kringvarpið.

Hetta er besta úrslitið hjá kórinum í altjóða kórkapping.

Kórið fekk gullheiðursmerki í kappingini fyri ungdómskór og í Spirituals kappingini. Silvurheiðursmerkið fekk kórið í kirkjutónleiki.

Johannes Brahms festivalurin var í týska býnum Wernigerode í døgunum 3. - 7. juli.