Tvey klipp í koyrikortið

Í gjár fingu tveir bilførarar klipp í koyrikortið fyri ikki at hava børnini í trygdarbelti.

Tað var í gjáramorgunin, at løgregaln hevði eitt málrættað átak við fleiri skúlar, har bilar vórðu kannaðir, tá børn vórðu koyrd í skúla. Í hesum sambandi vórðu so hesir báðir bilførararnir tiknir.

Í gjár var eisini eitt ferðsluóhapp í Havn, har ein bilførari ikki helt víkiskylduna og rendi á annan bil. Vaktleiðarin á politistøðini sigur, at bert materiellur skaði stóðst av hesum.

Nógv av vindi hevur eisini verið, og í hesum sambandi hevur løgreglan fingið eina fráboðan um vindskaða í morgun. Talan var um eina tekju á einum úthúsi, sum var loysnað í Fuglafirði.