Fyrrapartin í gjár skrásetti løgreglan tvey mál um herverk á bilar í høvuðsstaðnum.
Tað eina málið snýr seg um ein, sum hevur punkterað dekkið á einum løgreglubili. Viðkomandi er skuldsettur, og fær viðkomandi eitt endurgjaldskrav, sigur vaktleiðarin á løgreglustøðini í Havn.
Hitt málið varð meldað fyrrapartin í gjár, men tað kann saktans verða hent yvir vikuskiftið, verður upplýst.
Her er talan um onkran, sum hevur knúst rútin á einum privatum persónbili. Tað var ein persónur, sum kom fram á bilin í miðbýnum í Havn, sum meldaði herverkið til løgregluna.
Stutt fyri klokkan 16 í gjár var eisini eitt ferðsluóhapp í Norðragøtu.
Talan var um tvey prutl, sum rendu saman.
Sjúkrabilur og løgregla vórðu send á staðið, men eingin fólkaskaði var.
Vinarliga broyt tínar kennifíla - og privatlívsstillingar fyri at síggja hetta innihald