Tvey sleip í gjár

Í gjár varð bjargingarbátur tvær ferðir sendur eftir báti, sum var uppsteðgaður og ynskti sleip.

Fyrrapartin varð boðað frá, at ein útróðrarbátur var uppsteðgaður út fyri Blankaskála og ynskti sleip til Klaksvíkar. Boð vórðu tí eftir Fløtti og Brimli.

Um kvøldið vóru boð eftir Vón, tá ein annar útróðrarbátur var uppsteðgaður í norðhavinum. Báturin var staddur 1,5 sm norður úr Riftanga.

Eingin vandi var á ferð, og gott veður var á leiðini, skrivar Vørn. Sleipið tók fýra tímar.