Tvøroyrar kommuna bjóðar borgarum yvir 65 ár vælveruvenjing

Tvøroyar kommuna er í gongd við eitt átak, har man bjóðar borgarum, sum eru 65 ár og eldri tilboð um vælveruvenjing.

Venjingarnar verða skipaðar av fysioterapeutum/ergoterapeutum. Hesi leggja stóran dent á týdningin av at styrkja bæði likamliga og sálarliga heilsu hjá eldru borgarunum.

Tá nevndarlimirnir í sosialu nevnd hjá kommunu vóru á vitjan í gjár, greiddu fysioterapeutrarnir frá, hvussu reglulig venjing kann vera ein týðandi partur av einum heilsugóðum gerandisdegi.

- Tað er sjón fyri søgn, at fólk veruliga hugna sær, og at stemningurin er upplyftandi og góður – eitt stað, har øll kenna seg vælkomin. Eftir hvørja venjing bjóðar kommunan frukt og vatn, og hetta er eitt gott høvi at seta seg niður, fáa eitt hugnaligt prát og njóta sosialu samveruna.

Vant verður tvær ferðir um vikuna. Undirtøkan er framúr góð, men tað er framvegis pláss fyri fleiri íðkarum, staðfetir tvk.fo.