Innanlands

Tvøroyar Kommuna hevur vitjan úr Fólkatinginum seinnapartin

Tey 16 fólkini úr Danmark vitja á sjúkrahúsinum, Varðanum og í SALT, boðar kommunan frá. Endamálið er at kunna seg um Føroyar og føroysk viðurskifti

Umframt at vitja ymsastaðni verður túrur við Thorshavn (Mynd: Føroyska Sjómansmissiónin)

Umframt at vitja ymsastaðni verður túrur við Thorshavn (Mynd: Føroyska Sjómansmissiónin)

2019-09-16 12:49 Author image
Agnar Prestá
placeholder

Ferðalagið úr danska Fólkatinginum, ið telur 16 fólk, kom í morgun suður við Smyrli  og hevur fyrrapartin og fram til nú vitja Vágs Kommunu. Stutt eftir klokkan 14 byrjar vitjanin hjá Tvøroyrar Kommunu.

Endamálið við ferðini er, sambært heimasíðuni hjá Tvøroyrar Kommunu, at kunna seg um Føroyar og føroysk viðurskiftir. 

Her er skráin:

14.15: Vitjanin byrjar á Tvøroyri, har Anita Vibergsdóttur varaborgarstjóri tekur ímóti og bjóðar vælkomin. Síðani verður vitjað á Suðuroyar sjúkrahúsi, har Hans Pauli Henryson, sjúkrahússtjóri, og Gunnbjørg Guttesen, varasjúkrahússtjóri vísa runt á sjúkrahúsinum.

14.50: Ferðalagið vitjar Varðan Pelagic, har Ólavur Bjarkhamar, framleiðsluleiðari tekur ímóti og vísir runt á virkinum.

16.00: Túrur við Thorshavn, har Frits Strøm tekur ímóti.

16.40: Thorshavn leggur til kei niðanfyri Mentanarhúsið  SALT, har Ólavur Rasmussen, stjóri tekur ímóti og vísur runt í húsinum. Aftaná er Tvøroyrar kommuna vertur fyri einum døgurða.

Ferðalagið fer við Smyrli aftur til Havnar í kvøld.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder