Tvøroyrar kommuna heiðraði 13 starvsfólk fyri trúgva tænastu

Fríggjadagin varð hátíðarløta hildin fyri 13 starvsfólkum hjá Tvøroyrar kommunu, sum vórðu heiðraði fyri at hava tænt starv í meira enn 15 ár.

Á samkomuni í býráðssalinum luttók Kristin Michelsen, borgarstjóri. Hann takkaði teimum øllum fyri trúgva tænastu og handaði teimum gávukort og dygdar konfekt fremleitt av lokalum veitara, skrivar Tvøroyrar kommuna á heimasíðuna.

Átta av starvsfólkunum høvdu tænt í 15 ár, trý í 20 ár, og hini bæði í ávikavíst 30 og 35 ár.

Hesi vórðu heiðrað:

• Anita Farstad, 15 ár sum vaskifólk
  
• Beinta Nielsen, 15 ár í barnaansingini
  
• Helena Hammer, 15 ár í barnatannrøktini
  
• Kari Petersen, 15 ár í barnaansingini
  
• Kim Thomasen, 15 ár sum hallarvørður
  
• Lasse Jensen, 15 ár í umsitingini
  
• Majken Josveinsdóttir, 15 ár í barnaansingini
  
• Nicolina Puntabyrgi, 15 ár í barnaansingini
  
• Chris Jan Michelsen, 20 ár í teknisku deild
  
• Jonhild Johannesen, 20 ár í barnaansingini
  
• Rutt Jensen, 20 ár sum barnatannlækni
  
• Gitte Jacobsen, 30 ár í barnaasingini
  
• John Hammer, 35 ár í tilbúgvingini