Tvøroyri bjóðar barnaansing í hálva tíð

Foreldur í Tvøroyrar kommunu hava nú møguleika at fáa børn síni ansað í hálva tíð.

Býráðið á Tvøroyri samtykti herfyri eitt tilmæli frá fríggjarnevndini, um at bjóða barnaansing í stovninum Mýrifípuni í hálva tíð.

Sambært samtyktini er galdandi, at tilboðið skal vera í samráð við stovnsleiðaran, og verður hetta skipað í einari royndartíð frá tí at skúlin byrjar aftur eftir summarfrítíðina.

Gjaldið fyri ansingina í hálva tíð, er ásett til at vera túsund krónur um mánaðin, skrivar kommunan á heimasíðuni.

Kommunan ger vart við, at um ein ynskir at taka av tilboðnum, skal fráboðast ein mánaða frammanundan.