Mentan

TÝR missir ein bólkalim

Terji Skibenæs gevst sum gittarleikari í TÝR

Terji Skibenæs, sum vit kenna hann úr TÝR (Mynd: Fríðálvur A. Jensen)

Terji Skibenæs, sum vit kenna hann úr TÝR (Mynd: Fríðálvur A. Jensen)

2018-08-03 10:08 Author image
Ari av Rana
placeholder

Vælumtókti føroyski rokkbólkurin TÝR missir nú ein lim. Talan er um Terja Skibenæs, sum seinastu 17 árini hevur verið gittarleikari hjá TÝR.

Á sínum vanga á Instagram skrivar Terji, at hann, eftir at hava hugsa seg gjølla um í fleiri mánaðir, hevur tikið avgerð um at gevast í TÝR.

- Orsøkin er einføld. Eg havi ongan hug at halda fram at spæla í TÝR, skrivar Terji Skibenæs.

Terji leggur dent á, at eingir trupulleikar eru í bólkinum. Hann finnur bara onga gleði í framhaldandi at spæla tónleik í TÝR longur.

Terji takkar Hera Joensen og Gunnar Thomsen fyri tíðina teir spældu saman og ynskir teimum eydnu framyvir. Somuleiðis takkar hann fjepparunum hjá bólkinum.

Síðsta konsertin hjá Terja í TÝR verður til Sabaton Open Air í Falun í Svøríki í august.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder