Týskland: Koppseta nú í moskum, sølumiðstøðum og bókasøvnum

Í dag hevur Týskland sett hol eitt nýtt átak, sum skal fáa ferð á koronukoppsetingina í landinum.

Komandi vikurnar verður møguligt at verða koppsettur ókeypis uttan at bíleggja tíð á útvaldum bókasøvnum, í moskum og sølumiðstøðum. Eisini verður koppsett á brandstøðum og fótbóltsvøllum, umframt at koppsett framvegis verður á vanligu koppsetingarstøðunum.

Myndugleikarnir í Týsklandi stúra fyri, at ein nýggj smittubylgja fer at raka Týskland,  í vetur, um ferð ikki verður sett á koppsetingina.

Nærum 62 prosent av týska fólkinum eru liðugt koppsett fyri koronu. Serfrøðingar meta, sambært Ritzau, at uml. 75 prosent av samlaða fólkatalinum skulu vera liðugt koppsett, fyri at sleppa undan einari nýggjari smittubylgju.