![placeholder](https://dagur.fo/css/img/banner2x1.png)
Ein týskur maður er dømdur til deyða í Hvítarusslandi.
Viasna, ein mannarættindafelagsskapur í Minsk, sigur, at maðurin - 30 ára gamli Rico Krieger - er dømdur fyri fleiri brotsverk. Hann er m.a. ákærdur fyri njósning, yvrigang, at stovna ein viðgongdan bólk, og fyri at virka sum leiguhermaður.
Hann varð dømdur í einum loyniligum rættarmáli, sum endaði 24. juni, eftir at hann varð handtikin 6. november í fjør.
Sambært Viasna er hetta fyrstu ferð, at ein persónur verður dømdur í Hvítarusslandi fyri at vera leiguhermaður.
Mannarættindafelagsskapurin upplýsir, at Krieger er starvsfólk hjá týska Reyða Krossi.Hann hevur fyrr arbeitt sum trygdarfólk hjá týska uttanríkismálaráðnum.
Týska uttanríkismálaráðið segði í fráboðan fríggjadagin, deyðarevsing er ein ræðulig og ómenniskjanslig revsing, og at ráðið samskiftir við myndugleikar í Hvítarusslandi og arbeiðir við at fáa revsingina broytta.
Sambært Viasna skal Krieger avrættast við skotum.
Vinarliga broyt tínar kennifíla - og privatlívsstillingar fyri at síggja hetta innihald