Týskur politikari helst dripin

Týski politikarin Walter Lübcke er funnin deyður. Hetta váttar flokkur hansara CDU.

Sambært fleiri týskum miðlum er ymiskt illgrunasamt við deyðsfallinum. Summir miðlar, eitt nú Bild, skriva, at Lübcke varð skotin í høvdið. Bild skrivar eisini, at Lübcke varð funnin í havanum heima við hús. Miðlarnir skriva eisini at løgreglan kannar deyðsfallið.

Walter Lübcke var stjórnarforseti í Kassel, sum er eitt øki í deilstatinum Hessel. Hann var sera væl lýddur í týskum politikki.