Týskur vápnaframleiðari skal byggja verksmiðju í Ukraina

Týski vápanaframleiðarin Rheinmetall ætlar at byggja eina nýggja verksmiðju í Ukraina.

Rheinmetall hevur saman við ukrainskum samstarvsfelaga skrivað undir ætlanarskriv í sambandi við trygdarráðstevnuna í München.

Týski vápnaframleiðarin ynskir at hjálpa ukrainum at enduruppbyggja vápnaídnaðin í landinum, sigur Armin Papperger, stjóri sambært Ritzau.

Rheinmetall, sum heldur til í Düsseldorf og framleiðir hernaðarakfør og vápn, samstarvar longu við ukrainar um viðlíkahald og umvæling av stríðsvognum.