Ukraina: 16 dronur skotnar niður í nátt

Ukrainska loftverjan hevur í nátt skotið niður 16 álopsdronur – sonevndar kamikazedronur.

DR, ið endurgevur ukrainskar miðlar, skrivar, at dronurnar vórðu skotnar niður ymsastaðni í landinum.

11 dronur vórðu skotnar niður í Mykolajiv í Suðurukraina, meðan fimm aðrar vórðu skotnar niður í landnyrðingspartinum av landinum.

Talan er um Shahed 136-álopsdronur, sum eru framleiddar í Iran. Iran hevur áður víst aftur, at tey skulu hava latið russum dronur at brúka í Ukraina.