Alda Nielsdóttir
Embætisfólk og fólk í avgerandi størvum hjá herinum í Ukraina sleppa framyvir ikki at brúka sosiala miðilin Telegram á teirra arbeiðstelefonum.
Tað boðar ukrainska trygdarráðið frá á Facebook sambært ABC News.
Hetta forboðið er neyðugt fyri trygdina hjá ukrainsku tjóðini undir krígnum móti Russlandi, verður sagt.
Ukrainska trygdartænastan leggur Russland undir at brúkta Telegram í krígnum móti Ukraina til m.a. netálop.
Fólk, sum brúka Telegram í teirra arbeiði sleppa framvegis at brúka Telegram-appina. Ukrainar kunnu eisini framvegis brúka Telegram á teirra persónligu eindum, skrivar Ritzau.
Telegram er vælumtókt í Ukraina, og er eisini høvuðspallurin, sum ukriansk embætisfólk, harímillum forsetin, Volodymyr Zelenskyj, brúka til at samskifta við almenningin.
Telegram verður serliga brúkt í Russlandi, Ukraina og øðrum fyrrverandi Sovjetlondum.
Vinarliga broyt tínar kennifíla - og privatlívsstillingar fyri at síggja hetta innihald