Ukraina fær lán frá Altjóða Gjaldoyragrunninum

Altjóða Gjaldoyragrunnurin (IMF) fer at veita Ukraina eitt lán á uml. 15,6 milliardir dollarar, ið svarar til uml. 108 milliardir í okkara krónum.

Peningurin verður útgoldin yvir fýra ár og skal hjálpa við at fáa endurreist búskapin í krígsrakta landinum, skrivar Ritzau.

Seinasta árið er fátækradømið í Ukraina vaksið, meðan búskaparliga virksemið er minkað 30 prosent. Men IMF metir, at ukrainski búskaparin fer at batna komandi mánaðirnar.

Lánið skal formliga góðkennast av nevndini í IMF, og fer hon komandi vikurnar at gjøgnumganga lánpakkan. Sambært BBC er hetta fyrstu ferð; at IMF veitir lán til eitt krígsrakt land.