Alda Nielsdóttir
Eftir at Russland gjørdi innrás í Ukraina 24. februar, eru milliónir av ukrainum rýmd úr heimi teirra. Nú, átta mánaðir seinni, er framvegis kríggj í landinum, men hóast hetta eru fleiri milliónir ukrainar eisini farnir heimaftur.
Tað framgongur í nýggjari frágreiðing, sum er gjørd í samstarvi millum fleiri stórar altjóða felagsskapir, og sum varð almannakunngjørd í gjár. Frágrieðingin byggir á telefonsamrøður við uml. 2000 vaksin fólk.
Síðst í august vóru sjey milliónir flóttar rýmdir úr heimi teirra til onnur støð í Ukraina. Men uml. seks milliónir persónar eru eisini farnir heimaftur eftir at hava verið burtur í í minsta lagi tvær vikur. Hetta talið umfatar bæði ukrainar, sum eru rýmdir av landinum, og sum eru rýmdir til onnur støð í Ukraina.
Fleiri ukrainar hava upplivað, at teir hava trupulleikar við at finna lønt arbeiði, eftir at teir eru komnir heimaftur. Í august boðaðu uml. 28 prosent av teimum heimkomnu, at teir forvunnu ongar pengar. 42 prosent søgdu seg forvinna minni, enn teir gjørdu, áðrenn kríggið byrjaði.
Men hóast avbjóðingarnar siga tey flestu av teimum heimkomnu eisini, at teir ikki hava ætlanir um at fara heimanifrá aftur í framtíðini. Bert 11 prosent søgdu, at teir umhugsaðu at fara frá heiminum aftur.
Vinarliga broyt tínar kennifíla - og privatlívsstillingar fyri at síggja hetta innihald