Alda Nielsdóttir
Týskland fer ikki at loyva Ukraina at brúka týsk vápn til at raka mál inni í Russlandi. Heldur ikki, um onnur lond loyva teimum.
Tað segði týski samveldiskanslarin Olaf Scholz á borgarafundi í býnum Prenzlau í gjár.
– Eg vil ikki loyva tí, tí eg haldi, at tað er ein trupulleiki, sigur hann sambært DR.
Hernaðarstuðulin, sum Ukraina hevur fingið higartil, hevur verið treytaður av, at vápnini verða brúkt á ukrainskar jørð ella til verjuátøk í marknaøkjum, men Ukraina hevur í fleiri mánaðir heitt á m.a. USA um at loyva ukrainum at brúka langtberandi vápn at raka mál langt inni í Russlandi.
Hetta málið var m.a. eisini umrøtt, tá bretski forsætisráðharrin Keir Starmer og amerikanski forsetin Joe Biden hittust í Hvítu Húsunum fríggjadagin, men komið varð ikki til nakra niðurstøðu.
Les eisini: – Hugsi ikki serliga nógv um Putin
Russiski forsetin hevur ávarað um, at Vesturheimurin við at loyva ukrainum at brúka langtberandi vápn ímóti Russlandi fer beinleiðis inn í kríggið, og so má Russland taka "hóskandi avgerðir".
Vinarliga broyt tínar kennifíla - og privatlívsstillingar fyri at síggja hetta innihald