Um 50 hvalir løgdu beinini í Hvannasundi

Klokkan hálvgun tíggju varð grindin, sum varð funnin á Árnafjarðarvík seinnapartin í gjár, hildin til í Hvannasundi.

Jacob Vestergaard, sýslumaður, sigur at drápið gekk væl.

- Tá man hevur goymt eina grind, og hon hevur ligið í friði er ringt at fáa gongd á aftur, men tað gekk, segði sýslumaðurin við útvarpið á middegi.

Grindin varð ikki hildin til í gjár, tí tað bleiv ov skjótt myrkt. Hon varð rikin inn á Hvannasund, har bátar hava ligið hjá henni í nátt.

Talan var um 50 hvalir, sum verða býttir í drápspartar og møguliga fer ein partur til onkra bygd í grannalagnum.