Um tár vóru gull: Nýtt staklag frá Holgar Jacobsen

Í gjár varð nýggja staklagið "Um tár vóru gull" hjá Holgari Jacobsen givið út.

Hetta verður tað fyrsta av fleiri nýggjum løgum, sum hann ætlar at geva út í ár.

- Hetta ber brá av lívsins mótbrekkum, "men betur dagur rísur", sigur Holgar Jacobsen á Facebook um lagið, sum hann sjálvur hevur gjørt orð og lag til.

Tónleikarnir eru Jóan Jakku Guttesen á bass, Høgni Klakkstein á trummum, og Dánjal Tavsen á hammond. Mixað og lagt til rættis hevur Dánjal Tavsen, og tað er Holgar Jacobsen sjálvur, ið spælir gittara.

Til ber at hoyra lagið við at trýsta á pílin omanfyri.