Umleið 500 fólk lótu seg kanna í Vágum í morgun

Í morgun vóru fólk hjá Sjúkrahúsverkinum vesturi í Vágum og kannaðu fólk fyri koronu.

Kannað varð millum klokkan 9.30 og 12 á brandstøðini inni á keiini í Miðvági.

Sambært Vága kommunu vóru uml. 500 fólk, sum tóku av møguleikanum at lata seg kanna fyri koronu í morgun.

Talan er um uml. 15 prosent av øllum borgarunum í oynni, og vísur hetta, at tørvurin at hava eina kanningarstøð í Vágum er stórur, skrivar kommunan á heimasíðuna.