Undantøkini longd í eitt samdøgur

Undantøkini, sum Sjúkrahúsverkið bað um, eru nú longd eitt samdøgur afturat. Sostatt eru tey galdandi til fríggjadagin klokkan 15.

Tað sigur Óluva í Gong, forkvinna í Felagnum Føroyskir Sjúkrarøktarfrøðingar við Kringvarpið.

Semingsroyndirnar í gjár komu ongan veg, og sambært stjóranum á Lønardeildini, Jan Mortensen, er einki broytt síðani.

Verkfallið hjá sjúkrarøktarfrøðingunum hevur nú vart í nærum tríggjar vikur.