Ung í dans í Hesti verður komandi viku

Í døgunum 20. - 22. september verður skipað fyri tiltakinum "Ung í dansi í Hesti", har ung í aldrinum 12 til 30 ár møtast at dansa føroyskan dans saman.

Tað er ungdómsfelagið Sláið Ring – Ung í Dansi, ið skipar fyri.

Hetta hevur verið afturvendandi tiltak í nógv ár, føroyskum dansi at frama. Møtt verður til eitt vikuskifti við nógvum dansi, spølum og hugna sum heild. Eisini kemur onkur at fortelja um eitthvørt viðvíkjandi føroyskum dansi.

Tiltakið er rúsfrítt og ókeypis.

Til ber at tekna seg við at skriva ein teldupost til [email protected]. Seinasta freist er 16. september.

Nærri kunning viðv. ferðing o.ø. kemur seinni á sr.fo.

Eisini verður aðalfundurin hjá felagnum Ung í Dansi leygarkvøldið 21. september 2019 í Hesti.