Uni Rasmussen tilnevndur seinnapartin

Í morgun varð váttað, at Uni Rasmussen verður nýggjur landsstýrismaður í fíggjarmálum, og Løgmansskrivstovan boðar nú frá, at móttøka verður fyri nýggja landsstýrismanninum seinnapartin.

– Ein lítil móttøka verður í Tinganesi kl. 13.30 í dag, í samband við at løgmaður ferð at tilnevna nýggjan landsstýrismann í fíggjarmálum. Móttøkan er ikki almenn, men fjølmiðlarnir eru vælkomnir, stendur í stuttu fráboðanini.

Uni Rasmussen hevur verið tinglimur síðani valið í 2019, tá hann fekk 464 atkvøður. Hann hevur hetta valskeiðið verið formaður í Trivnaðarnevndini og hjá Løgtingsgrannskoðarunum.