Innanlands

Uppboðssølan skilir Sambandsflokkin og Fólkaflokkin

Sum skilst er uppboðssølan ein av stóru knútunum, sum skulu loysast í samgongusamráðingunum. Bárður á Steig Nielsen skal á middegi boða løgtingsformanninum frá gongdini í samráðingunum

Bárður á Steig Nielsen (Savnsmynd: Sverri Egholm)

Bárður á Steig Nielsen (Savnsmynd: Sverri Egholm)

2019-09-10 08:56 Author image
Sverri Egholm

Klokkan hálvgun tíggju verður aftur fundur millum teir tríggjar formenninar í Fólkaflokkinum, Sambandsflokkinum og Miðflokkinum. Eitt av evnunum á fundinum fyrrapartin verður uttan iva fiskivinnuskipanin, sum hevur elvt til, at stígur er komin í samráðingarnar millum flokkarnar.

Sum skilst er tað ósemja um uppboðssøluna millum ávísar tinglimir í Sambandsflokkinum og Fólkaflokkinum, sum er orsøkin til hetta.

Í síðstu viku var nógv frammi um hjúnabandslógina, men sum Portalurin skilir er hetta eitt mál, sum verður parkerað næstu fýra árini.

Á middegi skal Bárður á Steig Nielsen, samráðingarleiðari og formaður í Sambandsflokkinum, á fund við løgtingsformannin, Páll á Reynatúgvu, at greiða frá gongdini í samráðingunum.

placeholder
placeholder