Uppreistrarleiðari virkandi forseti í Sýria

Sýriski uppreistrarleiðarinleiðarin, Ahmed al-Sharaa, er útnevndur til virkandi forseti í landinum, boða sýriskir statsmiðlar frá.

Eisini verður tjóðartingið og herurin hjá Assad-stjórnini send til hús, og landsins stýriskipan verður fyribils sett úr gildi.

Nýggi forsetin fær til uppgávu at skipa eitt "skiftisráð", inntil ein varandi stýriskipan er gjørd fyri Sýria, skrivar Ritzau.

Ahmed al-Sharaa hevur staðið á odda fyri uppreistrarbólkinum Hayat Tahrir al-Sham (HTS), sum spældi ein stóran leiklut í uppreistrinum móti Assad-stýrinum, sum í desember fór í søguna, eftir at uppreistrarbólkar tóku høvuðsstaðin Damaskus, og fyrrverandi forsetin, Bashar al-Assad mátti flýggja av landinum.