Úr at gera á markinum millum Finnland og Russland

Ferðslan um markið millum Finnland og Russland øktist, eftir at russiski forsetin, Vladimir Putin í røðu mikumorgunin boðaði frá, at hann 300.000 hermenn afturat skuldu sendast til Ukraina.

Finska marknaeftirlitið upplýsir, sambært Reuters, 4.824 russiskir ríkisborgarar komu til finska markið mikudagin – munandi fleiri enn teir 3.133 sum komu sama dag í síðstu viku.

Finnland er eitt av fáum evropeiskum londum, sum framvegis loyva russum at ferðast inn í landið.

Lettland, eitt annað grannaland hjá Russlandi, hevur hinvegin boðað frá, at russar ikki sleppa at rýma undan herskyldu umvegis Lettland.

Les eisini: Russar sleppa ikki at rýma til Lettlands