Ursula von der Leyen vald til forkvinnu í ES

Í gjár skuldi ES-tingið velja, um tað vildi hava týsku Ursulu von der Leyen í ovasta sessin. 60-ára gamla týska kvinnan hevur seinastu seks árini verið  verjumálaráðharri í Týsklandi, og hon hevði framanundan boðað frá, at sjálvt um ikki varð vald sum forkvinna, so fór hon frá í tí starvinum. Hon hevur umboðað kristin-konservativa flokkin, CDU.

Tað gekk hjá von der Leyen, ið fekk sjey atkvøður meira enn markið er. Nýggja forkvinnan fekk stuðul frá 383 útav teimum 747 í tinginum. 327 atkvøddu ímóti. 22 atkvøður vóru blankar og ein varð vrakað. Neyðugt var at fáa minst 374 atkvøður, og harvið reið tað um snarið, men eftir atkøvuðgreiðsluna varð greitt, at Ursula von der Leyen verður fyrsta kvinnan í sessinum nakrantíð. Kringvarpið skrivar eisini, at hon verður fyrsti týskari í meira enn 50 ár í tignarligum starvi í ES.