Uttanlands

USA ákærir Huawei fyri svik

Fíggjarstjórin verður eisini ákærd

2019-01-29 07:58 Author image
Ari av Rana
placeholder

Amerikanski ákærumyndugleikin almannakunngjørdi í gjár, at tey fara at reisa ákæru móti kinesiska telerisanum Huawei.

Ákærurnar eru rættaðar móti Huawei, tveimum at dótturfyritøkunum, og fíggjarstjóranum í Huawei, Meng Wanzhou.

Fyritøkan verður eisini ákærd fyri at hava stolið handilsloynidómar frá T-Mobile.

Eitt av endamálunum við ákærunum er at fáa útflýggja fíggjarstjóran, Meng Wanzhou, sum hevur verið varðhaldsfongslað í Kanada síðani 1. desember. Hon verður ákærd fyri svik við at villleiða bankar um handilsvirksemi hjá Huawei við Iran, skrivar Danmarks Radio. Huawei verður ákært fyri at brúka eina fyritøku í Hong Kong til at selja útgerð til Iran. Hetta er í stríð við revsitiltøkini hjá USA móti Iran.

placeholder
placeholder