Agnar Prestá
Tað eydnaðist ikki hjá Donald Trump at koma nakran veg við samráðingunum um at keypa Grønland. Hvørki Kim Kielsen ella Mette Frederiksen vildi hoyra talan um hetta; Grønland er ikki til sølu, søgdu tey.
USA hevur ein stóran áhuga í Grønlandi, ið ligggur væl fyri í arktiska økinum. Kringvarpið visti í gjár at siga, at USA nú fer at opna eitt konsulát í Nuuk. Tað var AP tíðindastovan, ið fyrst bar tíðindini, og sum skilst skulu sjey fólk starvast har.
KVF skrivar, at í mai læt USA eina skrivstovu upp í Nuuk, har eitt embætisfólk heuvr starvast. Hetta embætisfólkið býtir starvstíðina millum Nuuk og amerikansku sendistovuna í Keypmannahavn. Nú skulu grønlendsk starvsfólk setast, og talið av starvsfólki verður áleið helvtina minni enn hvat landsstýrismaðurin í uttanríkismálum í Grønlandi hevur í sínum aðalráði - hann hevur 15 starvsfólk
Sambært góðum keldum hjá AP, skulu starvsfólk á konsulátinum í Nuuk royna at knýta tatt samband við grønlendsk embætisfólk og samfelagið. USA vil eisini vera meira til staðar í Arktis og fremja amerikansk áhugamál í Grønlandi.
Vinarliga broyt tínar kennifíla - og privatlívsstillingar fyri at síggja hetta innihald