USA: Fýra fólk doyðu undir ófriðinum í gjár

Fýra fólk tilsamans doyðu undir ófriðinum uttan fyri amerikansku kongressina í gjár. Tað upplýsir løgregluovastin í Washington D.C. sambært Bloomberg News.

Ein kvinna doyði av skotsárum, tá mótmælisfólk í gjár royndu at treingja seg inn í kongressbygningin í Washington. Kvinnan, sum verður søgd at vera svorin Trump-viðhaldsfólk doyði eftir at hon varð flutt á sjúkrahúsið.

Harumframt mistu trý fólk lív undir sjálvum mótmælunum. Orsøkirnar til hesi deyðsføllini verða søgd at vera trupulleikar við heilsuni.