USA: Hava dripið IS-leiðara í Sýria

USA sigur seg hava dripið ein leiðara úr Islamiskum Stati (IS) í Sýria.

IS-leiðarin, Usamah al-Muhajir varð dripin í einum dronuálopi í Aleppo-landslutinum í norðara parti av Sýria fríggjadagin.

Eingin annar lat lív í álopinum, upplýsir leiðslan í amerikanska herinum sambært Ritzau.

– Vit hava gjørt greitt, at vit framhaldandi ætla okkum at niðurberja Isis (Islamiskur Statur, red.) í øllum økinum. Isis er framvegis ein hóttin, ikki bert í hesum økinum men eisini longur burtur.

Sambært Reuters vóru dronurnar, ið vóru brúktar fríggjadagin av slagnum MQ-9 Reaper.