USA: Øll innanríkisflogfør biðin um at verða verandi á jørðini

Øll flogfør, sum flúgva innanríkis í USA hava fingið boð um at verða verandi á jørðini.

Orsøkin er eitt tekniskt brek í skipanini Notice to Air Missions (NOTAM), sum verður brúkt til at geva flogstarvsfólkum týðandi upplýsingar.

Tað sigur amerikanski myndugleikin, sum hevur eftirlit við ferðafólkaflúgving í USA, Federal Aviation Administration (FAA). Arbeitt verður við trupulleikanum, og hava flogfeløgini fingið boð um ikki at seta flogfør í luftina fram til klokkan 14 føroyska tíð, men fyri løtu síðani varð boðað frá, at flogferðslan á tveimum floghavnum koyrir aftur sum vanligt.

Sambært Katrine Jean-Pierre, pressutalsfólk hjá Hvítu Húsunum, eru eingi prógv fyri, at eitt cyberálop er orsøkin til tekniska brekið, skrivar DR.