Útflutningurin vaks 2,6 milliardir

Seinasta 12-mánaðarskeiðið hava vit útflutt fyri uml. 10,8 milliardir krónur.

Sambært Hagstovuni vaks útflutningurin av fiskavørum 2,6 milliardir krónur í tíðarskeiðnum mai 2021 til apríl 2022 samanborið við undanfarna 12-mánaðarskeið.

Talan er um ein vøkstur í flestøllum vørubólkum.

Útflutningurin til Russlands var í apríl komin niður á 31 milliónir krónur. Harav stava 21 milliónir krónur frá sølu av brennievni til russisk skip, skrivar Hagstovan.

Í apríl 2021 var útflutningurin 100 milliónir krónur.