Útigudstænasta við Bubu og horntónleiki

Aftur í ár verður útigudstænasta á einum av fótbóltsvøllunum í Gundadali 2. Hvítussunudag. Tað skrivar fólkakirkjan á heimasíðu síni. 

Tað eru prestarnar í Suðurstreymoy, sum skipa fyri gudstænastuni, sum verður klokkan 11. 

Klovnurin Bubu fer eisini at seta sín serliga dám á gudstænastuna við undirhaldi til børnini, og eftir gudstænastuna verður ein drekkamunnur í badmintonhøllini, har okkurt gott eisini verður til børnini. 

Tað eru prestarnir í Suðurstreymi, ið skipa fyri gudstænastuni. Havnar Hornorkestur og GHM fara at spæla til sálmasangin undir gudstænastuni.