Útoyggjafelagið: Nevnd og umboðsráð heldur fram

Nevndin í Útoyggjafelagnum heldur fram, og umboðsráðið skipar seg við somu manning. Tað er greitt eftir at felagið helt aðalfund í Skúgvi í gjár.

Aðalfundurin varð hildin í Brúgvafjósinum, er er hølið hjá Fornminnafelagnum í Skúgvi.

Á fundinum var avrátt, at felagið komandi árið skal leggja dent á kommunuviðurskifti, samferðsluviðurskifti og dagføring av útoyggjaálitinum.

Felagið skrivar, at málið er at útoyggjar fáa betri tænastu, og at vitanin um støðuna hjá útoyggjunum verður dagførd.

Í nevndini hjá felagnum sita Óla Jákup úr Dímun, formaður; Olga Biskopstø, samskipari; og Marius á Geilini, nevndarlimur.

Í Umboðsráðnum sita:

• Johanna Maria Isaksen, Húsar, formaður
  
• Harry Jensen, Skúvoy
  
• Óli á Geilini, Svínoy, skrivari
  
• Jóhannus Kallsgarð Joensen, Trøllanes
  
• Andras í Frammistovu, Kirkja
  
• Johanna Hansen, Hattarvík
  
• Magnus Eliasen, Mikladalur
  
• Katrina Johannesen, Mykines
  
• Kartin Lenvig, Hestur
  
• Jógvan Jón Petersen, Stóra Dímun

(Mynd: Útoyggjafelagið)