Útstykking í Norðragøtu byrjað

Í gjár setti borgarstjórin í Eysturkommunu, Jóhan Christiansen, fyrsta “spakan” í nýggju útstykkingina í Norðragøtu.

Nýggi býlingurin við Myllá fevnir um 26 nýggj grundstykkir innanfyri núverandi Eyðargøtu, sum er brekkan frá vegnum Við Ánna niðan til Torbjarnargøtu í Norðragøtu.

Økið til útstykking er 20.000 fermetrar til støddar, og útstykkingin væntast at vera liðug í august 2020, skrivar Eysturkommuna. Samlaða uppskotið til framtíðar útstykking fevnir um eitt øki á 80.000 m2.

Mynd: Eysturkommuna