Útstykkingin í Æðuvík handað Runavíkar kommunu

Fyri nakað yvir einum ári síðani skrivaðu Rúni Petersen, stjóri fyri JHR Entreprenørar í Rituvík, og Tórbjørn Jacobsen, undir sáttmála um útstykking av 7 grundstykkjum í Æðuvík.

Les eisini: JHR stykkjar út í Æðuvík

JHR Entreprenørar áttu lægsta boðiði, ið var 2,3 milliónir krónur. Við í verkætlanini eru útgrevstur, planering, gøtuljós, kantsteinar og asfalteraður vegur. Áðrenn hesa útstykkingina var onki kommunalt grundstykki tøkt í bygdini - kommunan átti frammanundan jørðina undir útstykkingini.

Runavíkar kommuna skrivar á heimasíðu sínari í dag, at fríggjadagin í seinastu viku handaði JHR-stjórin borgarstjóranum útstykkingina, og nú kunnu áhugað venda sær til Runavíkar kommunu, um áhugi er fyri at ogna sær eitt av stykkjunum.  Søluprísurin í Æðuvík er 400 krónur fyri fermeturin.

Á býráðsfundinum hin 25. november 2021 samtykti býráðið, eftir tilmæli og samtykt frá ávikavíst teknisku deild og Byggi- og býarskipanarnevndini, at útstykkingin í Lítlatúni í Æðuvík verður send Umhvørvisstovuni til sundurbýtingar, skrivar runavik.fo

Mynd: runavik.fo