Vágatunnilin náttarstongdur komandi vikurnar

Í samband við at arbeitt verður í Vágatunlinum, verður tunnilin stongdur fyri ferðslu um næturnar frá sunnukvøld til fríggjamorgun tær komandi vikurnar.

Arbeitt verður frá klokkan 22 til 06 um morgunin. Og ferðslan verður leidd gjøgnum tunnilin klokkan 23, 24, 02 og 04, boðar tunnilsfelagið frá.

Arbeiðið, sum verður gjørt er, at J&K Petersen fer at bora nýggjar boltar í loftið, hanga ”dúkar” upp undir loftið har tað dryppar og skróta loftið fyri at tryggja, at einki leyst grót er. Hetta er partur av viðlíkahaldsarbeiðnum í Vágatunlinum.